Prinsipp fjúka – fylgið ekki

Sjálfstæðismenn hafa rekið Reykjanesbæ illa. Svo illa að þeir neyddust til að selja hlut sinn í HS-orku. Þeir eru á kúpunni og skítsama um prinsipp. Selja og græða – eins og sjálfstæðismönnum einum er lagið.  Ef salan hefði ekki komið til hefði verið geigvænlegt tap á rekstri Reykjanesbæjar.

Svona vilja VG ekki standa að málum. Vinstri græn í Reykjavík vilja tryggja að Orkuveita Reykjavíkur verði áfram í eigu Reykvíkinga. Til þess er nauðsynlegt að sýna ábyrgð og festu við rekstur borgarinnar og tryggja að útgjöld fari ekki úr böndum. Við Vinstri græn ætlum ekki að slátra mjólkurkúnni. Það hefur heldur aldrei þótt góð pólitík að éta útsæðið.

Það er mér óskiljanlegt að fylgið hrynji ekki af sjálfstæðismönnum í Reykjanesbæ.